Ons deel vandag Pieter en Marlene se verlowing fotosessie met jou. Jy kan sommer onmiddellik die paartjie se sprankelende persoonlikhede raaksien as jy deur hulle baie prettige verlowing foto’s gaan. Hulle het die stad as hulle verlowing fotosessie se tema gebruik. Dit is ‘n kleurvolle fotosessie wat later af geëindig het met gekleurde poeier. Nou 2 jaar later staan ons op trou. DGR Photography het hulle talentvolle oog gebruik om die paartjie se liefdes verhaal mooi vas te vang op foto’s.
Hoe het julle ontmoet?
Ons het mekaar in 2008 ontmoet, albei van ons was in verskillende fases in ons lewens0 en so het ons paadjie toe maar weer geskei. Ek was in ‘n ander verhouding en het Pretoria toe getrek, min het ek geweet dat ware liefde my gou gaan vind.
In 2013 het ons mekaar weer ontmoet by Pieter se vaarwel partytjie. Pieter het 2 weke daar na Mosambiek toe getrek vir werk. Daardie aand het ek en Pieter gou aan die gesels geraak. Skielik het ek myself verlief en verlore gevind …
Hoe het julle verloof geraak?
Ek het gedroom van my ridder op sy wit perd…min het ek geweet my ridder in die Fortuner sou my held wees. Hy het gesê hy wil hê die families moet bietjie braai en bymekaar kom. Ons het by ons huisie bymekaar gekom en sowaar, hier val die man almal mos in die rede en se hy wil iets sê. Hy het op sy knie gegaan soos man betaam en voor al die belangrike mense in ons lewens na my hand gevra. Natuurlik soos almal my ken het ek “nee” gesê (ek moes hom bietjie terg). Gelukkig net voordat hy dalk flou val het ek baie vinnig gesê “Ja”.
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Fotograaf: DGR Photography
