Ons deel vandag Jannie en Carla se prettige troue met jou. Die paartjie het by die pragtige venue, Knorhoek Wine Farm getrou. Towerbosch is nie net ʼn pragtige venue et ʼn grasdak en kreatiewe wit houtbalke nie, maar is ook gekies as een van die Top5 trou venues in die Kaapse Wynlande. Dit is ʼn fantastiese prestasie, want daar is honderde venues waarvan hulle kon kies. Towerbosch is geleë op die pragtige Knorhoek Wynlandgoed in Stellenbosch. Jannie en Carla se troue is ʼn bron van inspirasie vir enige jong paartjie wat besig is om hulle troue te beplan en opsoek is na iets pret en anders. Van ʼn fotosessie op ʼn Tennisbaan, Helder sokkies, Tekkies as trou skoene tot sonbrille as geskenke vir hulle gaste is die troue een van daardie troues wat jy nie moet mis nie. Geniet die paartjie se troue.
Hoe het julle ontmoet?
Een Vrydagaand, so 12 jaar gelede (24-01-2003) by my verjaardag braai, het ons mekaar ontmoet. Haar broer het haar saam gesleep om haar bietjie op te “cheer“. Ek onthou nog steeds die eerste keer wat ek haar gesien het. Sy was die pragtigste meisie wat ek nog ooit gesien het, selfs al het sy ʼn bietjie hartseer en verlore gelyk. Ek’t net vir een of ander rede geweet sy is die een vir my en het natuurlik net daar besluit dat dit my plig as gasheer is om haar so gou as moontlik in ʼn beter bui te kry … en ek het. Dit het so goed gegaan dat ons kort daarna begin uitgaan het.
Lang storie kort: Ons het bietjie meer as ʼn jaar uitgegaan en toe besluit om ʼn breuk te vat (wat in die proses ons altwee se harte gebreek het). Lewe het aangegaan en 10 jaar later (as of dit bedoel was) het ons paaie weer gekruis en het ons ʼn tweede kans gekry om dit te laat werk. Hierdie keer was ons altwee reg vir dit. Alles het onmiddellik reg gevoel en dit was asof die 10 jaar tussen in nooit gebeur het nie. Aangesien alles so goed gewerk het, het ons natuurlik besluit om dit offisieel te maak.
Hoe het julle verloof geraak?
Op ʼn ander Vrydagaand in 2014 (24-01-2014) het ek vir Carla gevra om saam met my oud te word. Dit was presies 11 jaar vandat ons ontmoet het en ook die eerste keer in 11 jaar wat die 24ste Januarie weer op ʼn Vrydag geval het. Carla was gelukkig nie bewus van dit nie. Ek het haar vertel dat ek ʼn naweek weg gereël het om na ʼn bier fees toe te gaan. Natuurlik was dit net om haar bietjie af te gooi. Ons het in die donker by KolKol Mountain Lodge aangekom (sy wou al baie lank KolKol toe gegaan het). Toe ons klaar afgepak het en begin ontspan was ek bekommerd dat sy dalk gaan begin snuf in die neus kry, maar ek het ʼn plan gehad. Ek het haar af gegooi met ʼn paar klein verrassings (11 verrassings vir die 11 jaar vandat ons mekaar ontmoet het). Een van dié was ʼn hangertjie met die datum wat ons ontmoet het agter op ingegraveer (24-01-2003). Voor op die hangertjie staan daar “I still believe in 398.2” (398.2 is die nommer vir die sprokies verhale (“fairy tales”) afdeling in biblioteke). Ek dink sy was so afgegooi met die hangertjie en die ander verrassings dat sy nie eers die volgende een sien kom het nie. Ek het haar gevra om te dans en sagies in haar oor gesing … en die einde van die liedjie het ek afgegaan op een knie en vir haar gevra of sy wil oud word saam met my. Sy het “JA!” gesê en die res is “history”.
Advies vir ander paartjies:
Vir die wat self hul troue gaan betaal (soos ons) is dit belangrik om vroeg al ʼn begroting op te stel en om daarby te probeer hou. Vir die wat ʼn selfdoen troue doen (soos ons) is dit belangrik om vroeg al ʼn behoorlike “To-Do” lys op te stel. Prioritiseer en herinner jouself gereeld wat belangrik is. Neem een stap op ʼn slag om stres te verminder. Daar is verskriklik baie stappe en dit help nie om te veel op eenslag te probeer doen nie. Maak jou trou afsprake soveel pret as moontlik, onthou die hele proses kan “pret” wees … nie net jou troudag nie. Moenie bang wees om vrae te vra nie. Hoe meer jy weet, hoe meer ingelig kan jou besluite wees. “Keep it simple” … hoe eenvoudiger dit is, hoe minder dinge kan verkeerd gaan.
As dit kom by die groot dag:
- Probeer so min as moontlik stres
- Wees teenwoordig in elke oomblik
- Neem tyd om die dag te geniet
- Onthou om te eet
[section=Klik hier vir meer diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Fotograaf: Marlize de Lange
- Venue: Knorhoek Wine Farm
- Rok: Rene H Couture
- Grimering en Hare: Maritza Olivier
- Minister: Mandi Pruis Beukes
- Platejoggie: JD le Roux
- Video: Anica
- Blomme/Dekor: Bruid & Bruidegom
- Klank & DJ Toerusting: Alley Cat Entertainment
