Doen-dit-self troues is ʼn baie groot tendens en daarom is ons opgewonde om dié oulike selfdoen troue van Wimpie en Alzanne met jul te deel.
Hoe het julle die eerste keer ontmoet?
Ek en Wimpie het ontmoet deur ʼn vriend in die kaap en van daardie dag af onthou ek net Sjokolades en “dessert dates” in Groenpunt. My voete was behoorlik onder my uitgeslaan.
Hoe het julle verloof geraak?
Dit het katte en honde gereën die naweek toe Wimpie vir my sê ek moet my tas pak want ons gaan kamp. Al die kamp toerusting was gelaai terwyl ek gedink het dis een groot grap en dat ons sou verkluim in die koue. Dit was toe ʼn groot verassing toe ons stilhou by n snoesige hout huisie in die Wildernis woud waar hy met ʼn asemrowende sonsondergang vir my die groot vraag gevra het. My antwoord was natuurlik ʼn duisend Ja’s.
Hoe lank was julle saam voor jul getrou het?
Ons was vir 2 jaar saam voor ons getrou het en 5 maande verloof.
Advies wat julle aan ander paartjies kan gee?
As jy ʼn doen dit self troue reël betrek jou vriende en familie om te help met jou plannetjies en begin vroeg in die werk spring. ʼn Mens kan ʼn mooi en baie lekker troue rëel in ʼn kort tydjie as jy ʼn paar hande het om te help.
[section=Klik hier vir meer diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Fotograaf: Jaco Vollgraaff en Abbi Knell
- Venue en Spyseniering: Uitsig Venue
- Hare en Grimering: Wilna Allpass
- Blomme en dekor: Bruid self en Skoonma
- Trourok: Pebbles in Voorbaai
