Ons deel vandag Michal en Inge se sprokies elegante troue met jou. Die paartjie het die oulikste verlowing fotosessie gehad in ‘n vliegtuig met ‘n pragtige uitsig soos die son sak. Ons sien dit as ‘n perfekte verlowing. Die paartjie het ‘n elegante troue gehad op ‘n Olyf plaas met ‘n lewendige optrede waar gaste lekker kon makietie hou. Die gebruik van klomp “fairlylights” het ‘n baie romantiese en klassieke gevoel geskep.
Hoe het julle die eerste keer ontmoet?
Michal het af en toe saam met my pa golf gespeel en het my al ‘n paar keer gesien maar ons het nog nooit ontmoet nie, maar hy het toe alreeds vir sy ma gesê dat hy eendag met my gaan trou. Ons het toe toevallig by ‘n restaurant ontmoet en het dadelik verlief geraak.
Hoe het julle verloof geraak?
Michal het my kom optel na ‘n rondte golf en het vir my gesê sy broer moet ‘n vliegtuig gaan toets wat gediens was. Die vliegtuig was nie regtig gediens nie dit was maar net om my in die vliegtuig te kry sonder dat ek enige iets vermoed nie. Ons ry toe af na die Mosselbaai Vliegveld en klim in die vliegtuig in net voor sonsondergang. Michal het gewag tot ons hoog genoeg was vir die mooiste uitsig en toe op sy een knie gegaan en vir my die groot vraag gevra. Dit was perfek en so mooi. Toe ons land was ons naaste familie daar om saam met ons te vier asook Lynelle om ons groot oomblik af te neem.
Advies wat julle aan ander paartjies kan gee?
Die dag gaan so vinnig verby so geniet elke oomblik en begin vroeg te beplan en moenie bang wees om vir mense om jou te vra vir hulp nie.
[section=Klik hier vir meer diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Fotograaf: Lynelle Pienaar
- Venue: Surval Boutique Olive Estate
- Bruid, Strooimeisies & ma van die bruid rokke: Deon Oelofse
- Ma van die bruidegom rok: Georgie B
- Fotohokkie: Retrobooth
- Dekor & Blomme: Designer Events |
- Platejoggie: Johan Brooks
- Orkes: Clint & Co
- Hare: Inferno – Zelde
- Grimering: Tosca hair & beauty
