Met die eerste keer wat Julian vir Bianca uigevra het op ‘n geleentheid het Julian vir Bianca verras. Die grootste verrassing was toe hy die JA woord vir haar vra. Lees eerder jouself oor die details.
Hoe het julle die eerste keer ontmoet?
Gedurende ‘n lang naweek by ‘n kampeerterrein in Robertson het ons vir mekaar begin ogies maak. Julian het my saam genooi na ‘n uitgaan plek op die dorp en dit was vir my verskriklik snaaks dat hierdie Engelsman my nooi na ‘n Afrikaanse langarm plek. Dit het ons sowat drie maande gevat om uiteindelik by uitgaan te kom, maar soos hulle sê “die res is Geskiedenis.”
Hoe het julle verloof geraak?
Robertson Wacky Wine 2014 het ons die Saterdagaand by die Klipdrif tent gekuier. Julian het later die aand begin snaaks optree, ek het geweet iets is aan die broei, maar ‘n verlowing was die laaste ding wat ek vermoed het. Desmond Wells, die Afrikaanse sanger het ons op die verhoog geroep. Ek het gedink Julian probeer ‘n grap maak en dat ons gaan sing. Hy het oor die mikrofoon begin praat, maar die gehoor het so gejuig dat ek nie kon hoor wat hy sê nie, maar toe hy op sy knie gaan het die trane gespat en het ek presies geweet wat aangaan. ‘n Koppe telling is net na ons verlowing gedoen, daar was 2000 mense in die gehoor en ‘n professionele fotograaf het alles afgeneem, ons het ook ‘n hele paar video’s ontvang – dis baie spesiaal as ‘n mens na die tyd weer daardie oomblik kan herleef.
Hoe lank was julle saam voor jul getrou het?
Ons was Vyf en ‘n half jaar saam voordat ons getrou het.
Advies wat julle aan ander paartjies kan gee?
Die dag gaan oor die bruid en bruidegom en niemand anders! Ons dag het Julian en Bianca weerspieël en almal was mal daaroor.
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Fotograaf: Alicia S Photography
- Venue en Spyseniering: Wolfkloof Boutique Winery
- Bruid se ruiker: Bijoux Jewellery
- Bruid en gevolg se juwele: Bijoux Jewllery
- Ligte en musiek: Gareth James Music
- Hare: Mienique @ Mienique Hair Studio
- Dekor en Blomme: Bruid Self
- Rok: Lorraine Beelders
