Marius en Lelanie het mekaar bitter jonk ontmoet en was eers later ‘n tydjie gekys voordat hul die knoop deur gehak het. Hul het mekaar goed geken en geweet hul is beide mekaar se lewensmaats. Lelanie se moeder het gehelp met die dekor; asook het Marius en Lelanie hul eie insette in die dekor gehad. Dit bring die element van hul persoonlikhede in die dekor. Neem hul advies aan paartjies wat trou ook in. Lees onder hoe Marius vir Lelanie geflous het voordat hy haar gevra het om te trou en ons geniet die pragtige plaas troue se fotos.
Hoe het julle die eerste keer ontmoet?
Nie een van ons kan die presiese dag of oomblik onthou nie.. Maar 13 jaar gelede het ons mekaar ontmoet by die bus-stop nadat ek, Lelanie, verhuis het na die Weskus. Ek was Graad 4 en Marius Graad 5.
Hoe het julle verloof geraak?
Na studies het ons altwee verhuis na Pretoria. Dit was April vakansie en net ek kon vakansie neem om af te vlieg na my ouerhuis, of so het ek gedink! Marius sou ‘n vriend ontmoet het en ‘n naweek op ‘n wildsplaas spandeer het. So het ek foto’s ontvang van landskappe en sonsondergange, maar min het ek geweet dit was geneem terwyl hy besig was om af te ry Weskus toe! ‘n Aand later het ek by sy familie gaan kuier, waar hy toe ‘n wandelpad met kerse in hul tuin gepak het en vir my met ‘n piekniek onder die sterre verras het!
Hoe lank was julle saam voor jul getrou het?
Ons was 6 en ‘n half jaar saam; en 7 maande verloof.
Advies wat julle aan ander paartjies kan gee?
- Dit is beide se troue, so die bruidegom se insette is net so belangrik.
- Begin met als vroeër as wat jy dink nodig is, want dit is altyd meer werk as wat jy verwag!
- Wees kalm en absorbeer als van die dag wat jy kan, dit gaan so vinnig en mens mis uit op die kleiner goed. ‘n Fotograaf/videograaf wat weet wat hul doen is ook goud werd!
[section=Klik hier vir meer diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Onthaal en verblyf: Thali Thali Game Lodge
- Rok: Lenee Smith – familie lid wat bruid se ma se rok ook gemaak het.
- Koek: Marieta Hickman
- Dekor: Bruid se ma
- Hand ruikers: Paradiso Flowers
- Blomme op tafels: Bruid se ma
- Linne: Function hiring for you
- Knoopsgat ruikers: Poplap
- Skryfbehoeftes: Bruid en bruidegom
- Gras Speletjies: Party Games Rental Cape Town
- Platejoggie: Jan Scherman
- Fotograaf: Linda Fourie
- Hare: Linda Gouws
- Grimering: Anette Houghton
