Borie en Lize het mekaar in hul matriek vakansie in Jeffreysbaai ontmoet. Lize moes bo al die ander meisies uitstaan om Borrie se oog te vang, maar het dit reg gekry. Lize het in Bloemfontein studeer en Borie in Potchefstroom. Dus was afstand ‘n kwessie. Hul het vir 5 jaar ‘n lang afstand verhouding gehad en was weer met ‘n vakansie, dié keer in Victoriabaai. Soos doodgewone paartjies het hul stry gekry en Borie het vir Lize gesê hy wil nie meer haar kêrel wees nie.
Lees meer hieronder oor hoe die twee tot trou gekom het.
Hoe het julle die eerste keer ontmoet?
Ons albei was in 2007 na Jeffreysbaai vir die gebruiklike matriek vakansie. Ek het pas uit ‘n ernstige verhouding gekom. Albei van ons wou net ‘n goeie tyd saam vriende geniet. Ons het ‘n gemeenskaplike vriend gehad wat toe al sy pêlle van Marlow na die “Playboy Mansion” genooi het. Toe ek die eerste keer vir Borie gesien het, het ek geweet daar iets anders is aan hom. Hy, aan die anderkant, het nie veel belangstelling getoon nie, omrede daar soveel ander meisies was om van te kies.
Ons almal het die aand toe by Jolly Dolphine spandeer en daar het ek my kans waargeneem om Borie in te katrol. Ek en Borie het daai hele aand gesels en mekaar beter leer ken. Ons eerste jaar op universiteit het ons besluit om nie in ‘n verhouding te wees nie, maar op Nuwejaar 2008 het hy my uitgevra.
Wanneer en hoe het julle verloof geraak?
Desember 2013 het albei ons gesinne die dag by Victoriabaai spandeer. Dit was so ‘n lekker dag saam met ons families. Ons het toe begin baklei op pad huis toe en hy het toe gesê ons moet na “Map of Africa” gaan om dit uit te sorteer. Ons het bo-op die berg gesit met die ongelooflikste uitsig. Terwyl ons baklei het Borrie gesê hy sien nie meer kans vir dit nie, en toe het hy op sy knie gegaan en gesê, “Ek sien nie meer kans om net jou kêrel te wees nie, maar wil graag jou man wees.” Ek was so oorweldig ek kon nie ‘n woord uitkry nie. Dit was ‘n ongelooflike emosionele dag vir ons, maar so spesiaal! Toe ons by die huis kom, het die familie vonkelwyn gereed gehad om die groot oomblik saam ons te vier.
Advies vir ander paartjies:
Voor ons troue het almal vir ons gesê julle moet net onthou om ‘n oomblik te sit en die dag in oënskou te neem. Vir ons was dit so ‘n ongelooflike ervaring want ons familie het vanaf die Woensdag kom help om ons troudag spesiaal te maak. Ek sou sê ons dag was vir ons so ongelooflik omdat ons dit saam met vriende en familie spandeer het. Dit is waaroor jou troudag gaan: om ‘n belofte aan jou man, voor God en ons familie en vriende te maak dat ons mekaar sal liefhê.
Die dekor, programme ensovoorts is alles ‘n bysaak. Betaal eerder vir ‘n goeie fotograaf en videograaf want hulle is die mense wat jou dag gaan opneem. Dit is al wat jy oor het ná die tyd. Ons is só bly dat ons ‘n video ook gehad het, want dit is ongelooflik om ná die tyd daarna te kyk. Dan besef jy eers hoeveel jy gemis het, omdat jy so oorweldig is op die huweliksdag.
[section=Klik hier vir diensverskaffers]
![](https://www.mooitroues.co.za/wp-content/uploads/2021/03/MTTROUGIDS.png")
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Fotograaf en Videograaf: Pink Flower Productions
- Venue: Onder die Akker
- Rok: Lubello’s | Koek en gaste geskenke: Tanie Andrea
- Dekor: is alles self gemaak deur bruid, bruidegom, bruid se ma en suster
