Fotograaf, Rhode Potgieter, het Lindsay en Byron Fourie se verlowingsfotosessie met ons gedeel. Die vloot-tema verlowingsfotosessie was prettig en romanties.
Hoe het julle ontmoet?
Lindsay het een van Byron se vriende by die Bierfees in 2011 ontmoet, hy wou hulle aan mekaar voorstel, omdat hy gedink het gedink hulle goed by mekaar sou pas. Later die aand het Lindsay vir Byron ontmoet en dit was liefde van die eerste oogopslag. Sy vertel dat sy verloof was aan hom van die eerste oomblik wat sy hom gesien het. “Ek het net geweet dat ek eendag sy vrou gaan wees.”
Hoe het Byron vir Lindsay gevra om sy vrou te wees?
Hulle het in Februarie 2014 verloof geraak toe hulle alleen by die huis was. Byron het vir Lindsay vertel dat hy dat hy vir haar ‘n geskenk het en dat sy haar oë moes toe maak dat hy dit kan gaan haal. Haar oë was vir ‘n paar minute toe, en toe sy dit oopmaak het hy op sy knie gestaan en gevra of sy sy vrou sal word. Sy was in ekstase.
Watter raad kan die paartjie met ander verloofde paartjies deel?
Die raad wat sy gee, is om altyd met mekaar te praat. Kommunikasie is die belangrikste ding in enige verhouding, gedeelde kommer en probleme is baie makliker om te hanteer. ‘n Ander belangrike ding is om elke dag jou maat te soen, sommer ‘n paar keer op ‘n dag. Liefdevolle fisiese aanraking elke dag, maak die verhouding net soveel sterker. Jy kan nie kwaad bly vir iemand wat jou met liefde en respek hanteer nie.
[section=Klik hier vir diensverskaffers]
![](https://www.mooitroues.co.za/wp-content/uploads/2021/03/MTTROUGIDS.png")
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Fotograaf: Rhode Potgieter
