Bernice en Francois het mekaar op ʼn lentedag in September 2012 ontmoet by ʼn braai saam met vriende. Francois het sommer dadelik met Bernice begin gesels en sy het nie geweet of sy hom weer daarna sal sien nie. Sy was tóg so gelukkig dat hy haar gekontak het om te gaan vir ‘n koffie. Die oulike paartjie het geweet hierdie liefde gaan vir altyd hou. Dit het gely tot die plaas verlowing wat ons nou met julle kan deel.
As jy ‘n aanhanger van die plaaslewe en Karoo is, sal jy hierdie inskrywing, afgeneem deur Simone Franzel vreeslik geniet.
Hulle het op 16 Februarie 2014 verloof geraak. Die paartjie was weg vir die naweek, toe Bernice die Sondag die deur oopsluit na ʼn besige naweek was die huis versier met roosblare en sjokolade. Daar het die mooiste musiek gespeel en was sjampanje. Francois het haar die groot vraag gevra en sy het onmiddellik ja gesê. Hulle trou in Mei 2015 by Florence Guestfarm. Dit sal ʼn naweek troue wees vanaf die Vrydag tot die Sondag. Drie dae van makietie.
Francois en Bernice se droomtroue behels beslis ʼn jolige fees saam met hulle vriende en familie. Hulle troue gaan ʼn rof- afgewerkte gevoel hê, almal moet voel hier skop ons ons skoene uit en kan ons net lekker saam kuier en dans. Elke gas moet op hul gemak wees en saam met die paartjie die dag van liefde vier.
Die paartjie heg baie waarde aan verhoudings en vriendskappe, en wil net ʼn heerlike dag gevul met liefde en vrede hê. Sonder enige fieterjasies.
[section=Klik hier vir diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ʼn diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Fotograaf: Simone Franzel Photography
