Vandag wys ons vir julle Mynhardt en Azél se verlowingsfoto’s. Hulle fotosessie het in verskeie dele van Die Tuine in Kaapstad plaasgevind en die fotograaf agter die kamera was Adele Kloppers.
Ons waardeer altyd fotosessies soos hierdie. Die paartjie kom baie gemaklik voor en geniet duidelik elke oomblik van hulle dag.
Hoe het julle ontmoet?
Mynhardt is ‘n ou vriend van my broer en ons het al byna 11 jaar gelede vir mekaar ogies gemaak, maar die tyd was nie reg vir ons nie. Ons lewens het hul aparte paadjies geloop, maar ons paadjies het weer so 3 jaar gelede gekruis. Ons het vir ‘n jaar en ‘n half die langafstand ding gedoen en genadiglik toe saam in die Kaap beland.
Wanneer het julle verloof geraak en hoe?
Ons het Junie 2013 verloof geraak op ‘n plaas buite Kenhardt in die Noord-Kaap. Mynhardt het vir my “boesmantekeninge” op ‘n klipkoppie op die plaas gaan wys met die vraag: “Sal jy met my trou?” op die rotse gekrabbel. Ons het daarna die mooiste sonsondergang met ‘n bottel vonkelwyn beleef en die nuus oorgedra aan die res van die familie wat ‘n paar kilometer verder om die kampvuur gekuier het. Wat ‘n spesiale, onvergeetlike tyd vir ons as ‘n paartjie en ons families.
Wat is julle droom troue?
Ons droomtroue sou ‘n groot affêre wees met baie familie en vriende. Gemaklik, gelukkig en vol pret (dit was!) Ons seremonie was buite, met Helderberg as agtergrond. Ons het putt-putt en croquet gehad vir die gaste en daarna ‘n wonderlike bruilofsfees in die onthaalsaal.
Wanneer beplan julle om te trou?
Ons het 12 April 2014 getrou by In the Vine op die R44 naby Somerset-Wes.
[section=Klik hier vir diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ʼn internet konneksie het en ʼn toestel wat gekonnekteer is tot ʼn aktiewe internet konneksie, wees dit jou slimfoon, skootrekenaar of ʼn rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Fotograaf: Adele Kloppers
