Die oomblik toe Luis die mooi Suid Afrikaanse meisie ontmoet het hy groot planne. Nie lank daarna maak die aantreklike Spanjaard Suid Afrika sy tuiste om by die vrou van sy drome te wees. Terwyl die son sak oor die Zambezi met seekoeie en olifante as getuies vra hy Jeanine die groot vraag. Jeanine lyk sprokiesmooi op hul troudag toe sy by die seremonie aankom. Luis het voorwaar vir hom ʼn mooi Afrika blom gepluk. Hulle aanvaar mekaar volkome en het mekaar lief sonder om hulle te veel aan tradisies te steur. Ons hou veral van hul ideë om ʼn “Day After” fotosessies te neem. ʼn Mens se troudag gaan so gou vir verby en dis die ideale geleentheid vir ʼn bruid om nog een keer haar droomrok aan te trek.
Hoe het julle die eerste keer ontmoet?
Luis en ek het mekaar by ‘n sokker wedstryd tydens die 2010 Sokker Wêreld Beker in Suid-Afrika ontmoet. Luis se hy het onmiddellik geweet ek was die vrou vir hom, en ek was baie opgewonde oor die aantreklike Spanjaard met sy mooi aksent. Nie lank daarna nie het Luis Suid-Afrika sy nuwe tuiste gemaak en ek ‘n Real Madrid ondersteuner.
Hoe het julle verloof geraak?
Luis het my verras en na Victoria Falls geneem waar hy my die groot vraag gevra het. Later het ons gesit en kyk hoe sak die son oor die Zambezi terwyl die seekoeie en olifante ons geselskap gehou het.
Advies wat julle aan ander paartjies kan gee?
Beplan die troue wat julle graag wil hê, en moenie te veel bekommer oor tradisie en verwagtinge nie. Moenie dat Pinterest jou oorweldig nie en onthou dat jy met die liefde van jou lewe gaan trou!
Op julle troudag, omring julle met julle naaste familie en vriende, haal diep asem en geniet elke oomblik.
Oorweeg ‘n “day after” fotosessie. Dit maak jou troudag sommer net langer, en gee jou ‘n kans om jou droom rok nog een keer te dra.
Hoe lank was julle saam voor jul getrou het?
Net so bietjie meer as 5 jaar.
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Venue: Val de Vie Estate
- Fotograaf: Ryan Graham Photography
- Blomme + Dekor: Okasie
- Hare + Grimering : Danielle Jacobs
- Videograaf: Vision on Fire
- Trou Beplanner: Val de Vie Events
- Spyseniering: Dish Food and Social
- Troukoek: Roxanne Floquet Cake Design
- Vermaak: Play & Me + Mr Brown
- Trou Rok: Pronovias
- Bruidegom: Hackett
- Strooi Meisies, Blomme Meisie and Bruid se Ma: Garnish Couture
